Меѓународната соработка е темелна компонента во развојот на современите стандарди за едукација, истражување и клиничка пракса во семејната медицина.
Медицински факултет Љубљана
Катедрата по семејна медицина од Љубљана (проф. д-р Игор Шваб, проф. д-р Марко Колшек, проф. д-р Даница Ротар Павлич, доц. д-р Матеја Булц, доц. д-р Јанко Керсник) го постави темелот на Центарот во проектот на Светската банка. Во 2010 година беше потпишан Меморандум за соработка, а професори од Љубљана беа членови на комисиите за специјалистички испит до 2020 година.
Медицински факултет Загреб
Соработката со Катедрата по семејна медицина во Загреб е формализирана во февруари 2013 година. Од 2012/2013 година 30 студенти од Скопје учествуваа во курсот по семејна медицина на англиската програма во Загреб. Заедно соработуваме на проектот ТРАНССИМЕД и на студијата PACE GP/FM за пациент-центрична грижа. Нашите членови се коавтори на учебниците на ДНООМ.
Европски и меѓународни организации
- EURACT – Европска академија на наставници по општа/семејна медицина (член на советот од 2012; домаќин на советот во 2014).
- EGPRN – Европска мрежа за истражување во општата пракса (член на советодавниот одбор од 2012).
- IPCRG – Меѓународна респираторна група во примарна здравствена заштита (член од 2015).
- EQUIP – Европска асоцијација за квалитет во општата медицина.
- NPHC – Меѓународна мрежа за примарна здравствена заштита (домаќин на заседанието во 2019).
- Сплитска иницијатива – мрежа на катедрите по семејна медицина од Хрватска, Словенија, БиХ, Црна Гора, Србија и Македонија (од 2013; Скопје домаќин во 2016 и 2025).
- Асоцијација на доктори по општа/семејна медицина на Југоисточна Европа (претседател прим. д-р Љубин Шукриев).
Партнери
- Здравствен дом Љубљана – Симулациски центар и Институт за истражување и развој на ПЗЗ (IRROZ): ТРАНССИМЕД, SIM Mobile, EQUAL-Health.
- Универзитет во Бирмингем: проектот Breathe Well.
- Светска здравствена организација, Канцеларија во Скопје: реформи во ПЗЗ, клинички протоколи, национално упатство за кратки интервенции за откажување од тутун.
- Medical Education International (д-р Тим Гул): практични клинички вештини и донација на едукативна опрема.
- Студиорум: истражувања и едукација за рационална употреба на антибиотици, вклучително соработка со Универзитетот Станфорд.
- ХЕРА: сексуално и репродуктивно здравје во примарната здравствена заштита.
Од нашите партнери
„Fifteen years later, the collaboration continues… we are proud to have contributed to this success story.“
– prof. dr. Igor Švab, Ljubljana
„A dedicated team with the right leadership and clear, purposeful objectives can transform education and practice.“
– Jaime Correia de Sousa, поранешен претседател на IPCRG
